Mignonne allons voir si la rose
*
Ode à Cassandre de Pierre de Ronsard .
http://fr.wikipedia.org/wiki/Pierre_de_Ronsard
*
*
mise en Musique de Jehan Chardavoine en 1576
http://olga.bluteau.free.fr/Chardavoine.htm
une trentaine de compositeurs s'essaieront à mettre en musique ce poème célébrissime ...
*
interprétation : The King's singers (Album " Madrigal History Tour")
*
*
Mignonne, allons voir si la rose
Qui ce matin avoit desclose
Sa robe de pourpre au Soleil,
A point perdu ceste vesprée
Les plis de sa robe pourprée,
Et son teint au vostre pareil.
Las ! voyez comme en peu d'espace,
Mignonne, elle a dessus la place
Las ! las ses beautez laissé cheoir !
Ô vrayment marastre Nature,
Puis qu'une telle fleur ne dure
Que du matin jusques au soir !
Donc, si vous me croyez, mignonne,
Tandis que vostre âge fleuronne
En sa plus verte nouveauté,
Cueillez, cueillez vostre jeunesse :
Comme à ceste fleur la vieillesse
Fera ternir vostre beauté.
*
*